Nókis mámleketlik texnika universiteti hám Cyber University mámleketlik universiteti arasında kiberqáwipsizlik tarawında bilimlendiriw, ilimiy birge islesiw hám tájiriybe almasıwdı rawajlandırıw maqsetinde Memorandumǵa qol qoyıldı.
Bul hújjet universitet rektorı Batırbek Kaipbergenov hám Cyber University mámleketlik universiteti rektorı Shuxrat Kayumov tárepinen tastıyıqlandı.
Memorandumnan gózlengen tiykarǵı maqset — student-jaslardıń akademiyalıq mobillik tiykarında óz ara bilim almasıwın jolǵa qoyıw, kiberqáwipsizlik tarawında professor-oqıtıwshılar hám qánigelerdiń birge islesiwin rawajlandırıw hám de xalıqtıń kiber-mádeniyatın arttırıwdan ibarat.
Tárepler birge islesiw dawamında joybarlardı ámelge asırıw, zamanagóy bilim hám tájiriybelerdi ǵalabalastırıw hám de xalıqtıń kiberqáwipsizlik mádeniyatın joqarılatıwǵa qaratılǵan baslamalardı qollap-quwatlaw boyınsha kelisimge eristi.
Sheriklik dawamında tárepler kiberqáwipsizlik hám sanlı texnologiyalar tarawında zamanagóy bilimlerdi rawajlandırıw, ilimiy-izertlew jumısların keńeytiw hám de innovaciyalıq jantasıwlardı ámeliyatqa engiziwge ayrıqsha itibar qaratadı.